Plis pase 90% nan diplòm enstitisyon ensèyman siperyè ayisyen yo delivre, se onivo premye "grad” osinon premye "degre" ("cycle" an fransè), sa nou rele “Lisans” lan. Premye grad/degre sa a dire anviwon 4 ane oswa 180 "kredi" aprè bakaloreya (aprè etid segondè). Nan domèn ansèyman sipèryè, “kredi” se yon “kantite pwen oswa setwal” etidyan an genyen lèl reyisi kou yo, ki pèmèt li pase de yon grad oswa degre a yon lòt, de yon peyi a yon lòt. Annou tounen nan manman koze a : nan peyi Dayiti, diplòm dezyèm grad oswa dezyèm degre yo, sa vle di nivo “Metriz” oswa “Mastè”, reprezante apeprè 4% nan pwogram fòmasyon enstitisyon ansèyman siperyè yo ofri. Pou twazyèm grad/degre a, ki se “doktora”, se mwens pase 1%. Pa bliye, dezyèm grad la pèmèt etidyan an espezyalize epi pwofesyonalize l nan yon branch parapò ak tout matyè li te wè pandan premye grad la. Twazyèm grad la pèmèt li fè rechèch, pwodwi konesans pou lasyans ka avanse nan domèn nan.

Nan lide pou nou ede dirijan politik ak akademik yo mezire òf fòmasyon espezyalize enstitisyon local yo ofri, nou prezante nan lis sa a pwogram metriz ki enseye an Ayiti (enfòmasyon yo disponib sèlman an fransè pou kounye a) :